كيكة الشكولاتة بصوص الشكولاته تحفة وتجنن يم يم يم

كيكة الشكولاته بصوص الشكولاته

اولا احب اقولكم دى كيكية قنبلة وتحفة ولو جربتوها والله العظيم ماحطبطلوا تعملوها وعلى ضمانتى وتقريبا اسكندرية كلها بتعملها ههههههههههههههههه من كتر ما كل حد يجى عندى واعملها له وطبعا عارفين الشعب المصرى عملها ازاى ومنين الحاجة وبكام هههههههههههههههه عارفة انى راغية اوى ندخل بقى فى المفيد



½1 كوب دقيق

½1 كوب سكر

¾ كوب زيت على سمن

½1 كوب لبن

6 ملاعق كبيرة كاكاو خام مهم اوى يكون نوع الكاكاو كويس ويكون غامق جدا

2 بيضة احمر كبير او 3 بيض بلدى

1 علبة زبادى

2 باكو فانيليا

1 باكو بيكينج باودر

طريقة التحضير

اولا حانعمل صوص الشكولاته

نجيب الخلاط العادى بتاعنا ونحط فيه اللبن والسكر والكاكاو والزيت والسمن وباكو فانيليا ونضربه كويس حتى يغلظ القوام وبعدين ناخد من الخليط ده كوب ونصف ونضعة فى الفريزر وبعدين نحط على الخليط المتبقى فى الخلاط البيض والزبادى والفانيليا ويضربوا كويس وبعدين نحطهم فى وعاء ونكون حطين البكنج بودر على الدقيق ونحطه على الخليط حبة حبة ونقلب حتى ينتهى الدقيق ونضعه فى صنية فى الفرن فى الوسط وبعد 30 دقيقة نشوفها استوت نطلعها وهى ساخنة نصب فوقها صوص الشكولاته الى حطتيه فى الفريزر وتسبيها تبرد وكلى بقى ياقمر احلى كيكة بصوص الشكولاته