مدخل ~
تجرحني الذكرى على مر الايام
لامن ذكرت دموعهم يوم قفّوا
جميع من كانوا يحبوني العام
يافارقوا ، ياسافروا ، ياتوفّوا
ياخفوقي قمّ جا وقت الحصاد = انجلى ليلٍ ظلامه سرمدي
كم حرمنا الليل من حلو الرقاد = نرقب نجومه غدينا نهتدي
صوب خلٍ يوم اغواه العناد = ارتحل كنه عن القوم يعدي
يومها العالم تغشى بالسواد = وطاح قلبي من صوابه في يدي
مانفع جرحه طبيب ولا ضماد = لا ولا كف الضما همل بردي
واحسافه ماتهنى بالوداد = عانده حظه وهو تو مبتدي
ومن هذاك الوقت نطوي هالبلاد = نتبع سهيل اليماني والجدي
علنا يوم ونطب ارض المعاد = جرهدي درب المعنى جرهدي
لكن الحين, قالوها العباد = يلتقون بيوم والصبح اجودي
وجاد صبحك ياجريح البعد جاد = ورجعت روحي اخيراً لجسدي
ياخفوقي قم ذا علمٍ وكاد = صاحبك جبته ابو الوجه الندي
ياخفوقي قم يكفي موت عاد = جت على ذا الوقت تتركني وحدي
ياخفوقي قم جا وقت الحصاد = صاحبك قدام عينك لايغدي
مخرج~
عامين .. ادزه في رسايل تقارير = وترجع علي ارسالتي ما استلمها
يا من يطمني عسى الغالي بخير = ويبشّر اعيون ٍ غيابه ظلمها
مدري بعد غيبة حبيبي وش يصير؟ = الصبر طال .. وحالتي طال ألمها
اغيب بالذكرى وبعد المشاوير = كنّه معي بديار .. ما اعرف علمها
نرحل سوى.. ونعانق الغربي اعصير = ونغيب في نور السنين .. وظلمها
ويوم انتبهت وطار في رزقه الطير = طعنة وفا .. واسبابها ما اعلمها
ما اشّم ريحة ( عطر طفله ) مع الغير = اشمّها .. بأقدم رسايل قلمها
الله يجيب إطلالتك.. يالتباشير = وأفتّك من دنيا المفارق .. وألمها